إرمى الحمولة الزياده فى البحر
خفف سفينه روحك من فيران التجربة
من أسئله بلا أجوبه
من وجع كان مُحتمل زمن الصبا
خفف حموله روحك الطيبه
من...علاقه مُرعبه
بين نبلة الصياد وضهر المركبة
أرمى الزواحف وحشرات الهدوم
زراير القمصان نعيق البوم
لو جه الطوفان خفف سفينة روحك
لو حتى غرقت تقدر تعوم
أرمى الحموله الزيادة فى البحر
من قبل ريح الطوفان ماتزوم
كل اللى ركبوا المركب إمبارح
راح يرموا روحك
عشان المركبة
بيهم تعوم!!!!!!!
