قدم احمد الجندي المحامي الموكل لمحمد رمضان بلاغا للنائب العام للاساءة لموكله بسبب حرب الايرادات بين فيلمي "البدلة" للفنان تامر حسني، والمنتج وليد منصور، وفيلم "الديزل" للفنان محمد رمضان، ووقع خلاف حاد بين وليد منصور ومحمد رمضان وصل إلى ساحات المحاكم
فقد فتح منصور النار على رمضان بعد أن اتهمه الأخير بتغيير أرقام الإيرادات لصالح فيلمه "البدلة"، حيث كتب منصور على حسابه الخاص على موقع الفيس بوك “"ساله موجهة مني المنتج وليد منصور، إلى شخص مجنون يدعى محمد مرضان وصلني انك بتبعت رسائل من تليفونك الشخصي تتهمني فيها بتغير ارقام الإيرادات.. مكنش نفسي أرد على شخص زيك رمز للإسفاف علشان مخرج العمل ومنتجه أصدقاء محترمين بس انت زودتها قوي يا حماده"
وأضاف "أولاً انت اسمك لازم كل مصر تغيره لـ محمد مرضان لإنك بتفكرني بالمجانين اللي ماشيين في الشارع ومش عايزين يصدقوا انهم مجانين فإرتاح يا حماده محدش عاقل هيصدقك، عمرك ما كنت رقم ١ في الإيراد وعمرك ما كنت احد نجوم الصف الاول وانت عارف ان السبب ان فنك هابط يا مرض للأسف متعرفش تعمل غير دور المدمن او البلطجي او ارهابي او حرامي انا كان نفسي متكلمش عنك لإنك أصلاً بالنسبالي وبالنسبه لكل الشعب الراقي المحترم اكذوبه وانت عارف كويس ان أفلامك طول عمرها بتفشل قدام النجوم المحترمه زي السقا وعز وتامر وأستاذ عادل امام"
واختتم كلامه بقوله "نصيحه يا مرضان روح أتمرن تمثيل بدال مانت أداءك واحد في كل أدوارك يابني انت طبعاً انت هتموت عشان مش عارف تشتري ڤيوز زي أغانيك الهابطه فمفضوح اوي قدام الغلابه اللي مصدقينك اللي بينقرضوا واحد ورا التاني يا ولا قسماً بالله لو لقيتك بتهرتل على اي حد تاني هيكون ردي اعنف من كده واصلاً انا لسه مخلصتش ردي انت هتموت من الغيظ عشان البدله ولسه هنعلم اكتر وانت عارف هتتمسخر ازاي الفتره اللي جايه زي مااتمسخرت فكل أفلامك اللي فاتت"
وأعلن أحمد الجندي المحامي الموكل من الفنان محمد رمضان أنه اعتزم مقاضاة المنتج وليد منصور وأنه بصدد تقديم بلاغا للنائب العام ي ضد منصور للإساءة لمحمد رمضان، كاشفا أن سبب تأخره في تقديم البلاغ هو تواجده حاليا في إجازة صيفية بالساحل الشمالي.
