الزهد حد الرهبنة
والدنيا لسة مصممة
يا نخش جوة العلمنة
يا تكون حياتنا مطلسمة
قاعدين وجوة المطحنة
خليتي يومنا مفرمة
خلاط يشيلنا يحطنا
وإيدينا برضه للسما
بنتوجع طول السنة
ونقول أكيد جاي الهَنا
لما الحبيب جه حلمنا
وسمعناه بيقول لنا
أوعي في يوم ترد
اللي يقول اعمل لنا
ولوجه ربك تمها
متشيلش هم المسألة
مِسير تروس المطحنة
تِبلى وتبقى ملصمة
ونقول يارب يحلها
على صبري هابقى مصممة
