إذا مررت بشارع مجرى العيون يلفت انتباهك اسم مسجد “شهداء الجيش والشرطة” الذى بنى مؤخراً بعد تكرار حوادث اغتيال ضباط الجيش والشرطة، ويقول عبد الحميد البالغ من العمر 57 عاما ومؤسس المسجد لكاميرا”فيديو7 قناة” اليوم السابع المصورة “:”أنا ابن ضابط سابق بالقوات المسلحة وأطلقت اسم شهداء الجيش والشرطة على المسجد  تكريم لشهدائنا اللى بيحافظوا على البلد واللى ناس مش فاهمة حاجة وبيمشوا وراء كلام الورقة الخضراء وبيتساقوا زى الحيوانات بيقتلوا فيهم”. يصف عبد الحميد رد فعل المصلين على اسم المسجد فيقول “المصليين لما بيشوفوا اسم المسجد بيفرحوا أوى به ويوم الجمعة المسجد بيتملى بالمصلين لكن فيه جماعة عرضت عليا إنى أغير اسم المسجد وأشيل اللافتة مقابل مبلغ معين وأنا رفضت ده وبعد يومين اللافتة اتسرقت وبدأوا يسرقوا الحنفيات وفيه منهم شكانى بحى السيدة زينب إنى بنيت مسجد بطريقة مخالفة واتعملت لى قضية وطبعاً أنا أوراقى سليمة وقدمت أوراقى لوزارة الأوقاف التى سعدت بالاسم”.   وجه عبد الحميد رسالة للإرهابيين عبر كاميرا “فيديو7 ” قناة اليوم السابع المصورة”: “انتوا أبناء البلد لكن مضحوك عليكوا ارجعوا كل اللى بتعملوه ده غلط  لأنك كده بتأذى أخوك وأبوك ومفيش دين سماوى أمر بتخريب البلد ..ارجعوا واتقوا الله”