قال القس «أمونيوس زيادة داوود» راعى كنيسة العذراء وماريوحنا بالنورة، التابعة لمنطقة الخصوص، «أن الأخ عادل سمير كان حاجز عملية قلب مفتوح فى مستشفى مجدى يعقوب فى أسوان، وطلب يسافر عشان يتفقد ميعاد العملية، وسافر الجمعة اللى فاتت واتفاجأ هناك إنه هيعمل العملية، ومكنش معاه حد من أهله» ويقطع القس روايته ليضيف جملة توضيحية من تفاصيل القصة قائلا: الكلام اللى هقوله دلوقتى سمعناه، لكن معرفش مدى صحة هذا الكلام لكن ده الكلام اللى اتقال لنا، إنه لما دخل غرفة العمليات، الدكتور فوجىء إن فيه نور سماوى ظهر فى غرفة العمليات ورائحة بخور وإن فى حد بيساعده فى العملية! فى الوقت الذى تستغرق فيه عمليات القلب المفتوح عادة ما بين 9 إلى 10 ساعات، لم تستغرق عملية عادل سوى 3 ساعات. وأضاف أمانيوس فى تصريحات خاصة لكاميرا «video7»، قناة اليوم السابع المصورة، أن «الدكتور نفسه كان متفاجىء ولما الدكاترة زملاؤه سألوه قالهم أنا معرفش العملية خلصت بسرعة إزاى، بس كنت حاسس بإيد خفية بتشتغل معايا»، معلقاً هذا الكلام كلام زى الخيال منقدرش ندرك الحقيقة فين، لكن الأعجب من كده إنهم خرجوه من غرفة العمليات لغرفة عادية مع إن مريض القلب المفتوح مفروض يظل أسبوعا على الأقل فى العناية المركزة، ولكن الدكتور قال إن حالته مش مستاهلة، خاصة أنه بقى يتحرك ويدخل [...]