تجمهر عدد من أهالى مدينة النهضة أمام محافظة القاهرة وذلك لانتظار قبول طلباتهم بتوفير شقق بديلة لهم أو تقنين أوضاع الشقق الموجودين بها. وقالت أميرة إبراهيم، “مسئولى المحافظة عذبونا، وكنا قاعدين فى ماسبيرو واتبهدلنا فى الشارع ولما جينا للمحافظة أيام رئيس الوزراء عصام شرف، خدونا بالأتوبيسات ودونا للنهضة ومخدناش شقق، وفى ناس دلوقتى بتتعاقد وإحنا بقالنا 4 سنين مخدناش حاجة”، لافتة إلى أنها لديها 4 أطفال تصرف عليهم، وتدفع إيجار 500 جنيها كل شهر، مضيفة “الواحد لما بيمد ايده ويسرق يحبسوه نعمل إيه دلوقتى”. فيما أوضح أيمن شندى، يعمل موظف بإحدى شركات الأمن الخاصة، “مرتبى 700 جنيه وإحنا مرميين فى الشارع دلوقتى ولا فى مياه ولا كهرباء، ومش واخدين المساكن دى بلطجة ده عصام شرف هو اللى جايبنا بالأتوبيسات وهو اللى قعدنا فيها، وقالنا خليكم وهنبعتلكم صندوق بحث التنمية، وفى الأخر قعدنا سنتين وعيالنا  فى الشارع”. وأضاف شندى: “بيطلع علينا بلطجية بأسلحة وبيأخدوا مننا إتاوات يا إما يطردونا من الشقق إحنا وعيالنا”. ومن جانبها، قالت فريدة إبراهيم: “فى سيدة عندنا ماتت بالكهرباء، وبندفع إتاوات للشقق اللى قاعدين فيها بالإضافة إلى إنى بدفع إيجار كمان، وييجى فى الأخر المحصل يقولى ادفعى فاتورة الكهرباء وإحنا عندناش عداد كهرباء”. شاهد أيضا .. بالفيديو.. أسوار جامعتى القاهرة وعين شمس بدون كاميرات مراقبة بالفيديو.. أهالى [...]