يترقب باعة ميدان رمسيس قرار رئيس الوزراء بنقلهم من الميدان ، خاصة بعد قرار نقل باعة وسط البلد ، لتسير حياه الباعة الجائلين بين الانتظار والتأهب لحملة إزالات مرتقبة . انتقلت كاميرا ” فيديو7″، قناة اليوم السابع المصورة، إلى ميدان رمسيس لمعاينة أوضاع الباعة ورصد شكاويهم واقتراحاتهم لحل الأزمة. “احنا مش زى بياعين وسط البلد قاطعين الطريق أو مغطين على محلات، احنا واقفين على الرصيف ومش بنضايق المارة”، هكذا أوضح ” أشرف” أحد الباعة برمسيس منذ 10 سنوات، قائلا ” الفرشة بتاعتنا فاتحة 5 بيوت ومن غيرها كنا روحنا نشحت “، وعن رأيه بمشروع الترجمان ، قال ” مصيبة سودة جت على راس بايعين وسط البلد”، مشيرا إلى أنهم لا يمانعون من نقلهم شرط اختيار مكان مناسب لهم لكسب لقمة العيش. أما ” أم سمير” أقدم بائعة منذ 20 سنة والتى تتخذ من فرشتها بالميدان مصدرا للرزق لتجهيز بناتها ، قالت “إحنا مش هنحارب الحكومة وهنبقى تحت أمرهم لو عايزين ينقلونا بس نروح مكان نعرف ناكل منه لقمة عيش”، فى حين قال “سيد” : ” إحنا مش بلطجية وبناكل بلقمة عيشنا أحسن ما نسرق ، لما عايزين يعملوا فينا كدة هيعملوا ايه مع تجار المخدرات”، مضيفا ” أنا طلعت على المعاش ولو كان المعاش بيكفينى مكنتش طلعت من البيت ولا [...]