التقت كاميرا «video7» قناة اليوم السابع المصورة، بمجموعة من شهود العيان أمام وزارة الشباب والرياضة الذين تحدثوا عن تفاصيل واقعة تعرض المستشار  مرتضى منصور رئيس نادى الزمالك لتشويه وجهه. وقال أحد الشهود:” المستشار مرتضى منصور كان نازل من عربيته السوداء، وفى اتجاهه لنفق المشاة، زى عادته كل يوم وجه 3 شباب، واحد منهم كان معاه زجاجة مياه لونها أحمر، ورائحتها خل والثانى كان قاعد على الموتسيكل مستنيهم، وبعد ما رموا المياه جرينا عليهم وصرخنا “حرامى ..حرامى “، وركبوا الموتسيكل وجاءت عربية ملاكى زنقت عليهم فواحد منهم وقع  خدناه وعدينا به النفق ورحونا بيه نادى الزمالك”. ووصف شهود العيان هيئة الشباب حيث قالوا :” الشباب كانوا فى سن 19 و20 سنة وشكلهم محترم مش بلطجية،  ولابسين تيشرت وبنطلون ليس عليهم أى علامات تدل على إنهم تبع جماعة بعينها وأول مرة نشوفهم هنا، والشاب اللى رش المياه كان لابس ترينج أسود”. وقالت إحدى السيدات:” أسعفنا المستشار بمياه مثلجة، عشان كانت عينيه أحمرت”.