تنزل التترات
الفيلم ده ما لوش عنوان ؟!
مشهد داخل احد المكاتب المغلقة يضم كل من : نجل الريس . واخوه الكبير . ومرات الريس . وابن عز الفتى المعجزة
تسال مرات الريس ابن عز : عملت ايه فى البلد .وفى الانتخابات اللى جاية
اطمنى يا ست الكل . البلد بلدنا . والصناديق صناديقنا . وكله سلف ودين
يعنى مفيش مفاجات ؟
وحتيجى منين .. ده حتى اخوانا البعدا . أتفقوا معانا على نسبة العشرة فى المية بتاعتهم
وان حصلت مفاجات . كل المستقلين فى عب الوطنى .. اطمنى يا ست
مشهد نهارى امام نقابة الصحفيين بوسط البلد
هتافات لا فتات
مصر كبيرة عليك
والريس فى الخلفية . مع وزير الداخلية
ديمقراطية دى . ولا مش ديمقراطية
بس يا ريس العيال دول .. بداوا يكتروا
خليهم يتسلوا
مشهد ساخن لزوم الاكشن والساسبينس وبيع الفيلم
راقصة تضاجع سياسى .. من اياهم اللى طالعين فى المقدر جديد
تعرفى يا بت البلد . بدات تنفتح تانى
والاشية حتبقى .. معدن
كله من الوز .. واكل الوز
ابجنى تجدنى
والبركة .. فى هز الوسط
صحيح من هز وجد .. يا بنت الايه
مشهد داخل اروقة احد الاحزاب اياها
حنعمل ايه ياولاد ابن عز .. ما سابش لينا حاجة . وبيقسم التورتة مع البعدا
خلاص يا ريس . يمكن الريس يتعطف . ويدينا مقعد . ولا اتنين بالتعيين
تمام .....
رضا لمن يرضى .. يا ولاد
مشهد الريس مع عياله ومراته والحاشية جوا القصر
وصوت جلبة بالخارج
ايه ده يا فضلى ؟
دول اللى بيتسلوا ياريس
هما كتروا ليه كده
ولا ده برضك فوتو شوب .. زى صورة امريكا اياها
الله يكسفكم
لا.. يا ريس
سا عتين تلاتة .. وينفضوا ياريس
مشهد اباحى للراقصة اياها .. مع السياسى اياه
تعرف انا عرفت النهارده بس .. ان فى ثورة فى البلد . والريس حيشيلوه
قم بقى اطمن .. على فلوسك
يجرى السياسى ومن ورائه .. رجال اعمال وفاسدين معروفين . بالاسم والشكل .. فى الشوارع
يزدحم المطار .. بالطائرات الخاصة
والريس فى الخلفية
يضحك ضحكته الشهيرة
خليهم يتسلوا
تتر اخر على الشاشة
وعنوان جديد : يا ثورة ماتمت
اخدها المجلس وطار
وتتر اخر
يا ثورة ماتمت
اخدها البعدا اياهم
مشهد خارجى لرجل قيما وسيما
يطل بلغته البهية
ويطلب من الناس .. ان يفوضوه
تانى !!!!
مشهد نهارى لحشود لاتنتهى
والمخرج اياه يصرخ .. وهو يصور
والله ده بحق وحقيقى
ومش فوتو شوب
ويصرخ اخونا اياه
وهو فى الخلفية ياكل البط
مع جماعته
خليهم يتسلوا
مشهد على الشاشات
نجحت الثورة
وناس من الناس
ترفض
وناس من الناس
تؤيد
ده انقلاب
وتهب فلانة بنت علانة .. من الخلفية
الحمد لله
شمينا نفسنا
والبلد حتبقى
كل الدنيا
ومش بس .. اد الدنيا
مشهد مركب
لانتخابات
واكتساح
فشر عبد الناصر
الحمد لله
البلد شمت نفسها
مشهد فى الفضائيات وخطاب مؤثر للزعيم
اجيب لكم منين
مفيش
مفيش
عندنا مشروع فلانى
وخطة علانى
حتدفعوا
حتدفعوا
معلهش اصبروا علينا .. سنة ولا اتنين
وبكره .. تشوفوا مصر
مشهد لمواطن يشد شعره من الغلاء
غليتوا الكهربا
والمية
والمواصلات
البنى ادم بس .. اللى مالوش سعر فى البلد دى
وصوت من خلفه
اصبر ماهو انت صابر .. بقى لك ستين سنه
مش قادر تصبر
كمان سنتين . ولا تلاتة
مشهد وعنوان للتتر
بعد تلات سنين
وصوت الزعيم ووزرائه
وفى الخلفية
اصوات حشود
ولافتات
ومظاهرات
فى كل ارجاء البلد
ايه الحكاية يا ولاد ؟
يرد الكاتب الصحفى الالمعى :
حاجات بسيطة يا زعيم
ويرد الزعيم حقهم :
خليهم يتسلوا
مشهد على كل شاشات العالم
وعنوان يغطى كل عناوين الاخبار
ثورة على النيل
الشعب ده .. ما لوش كتالوج
والفيلم اللى بقى له .. 5 سنين
ما طلعش هندى .. ولا حاجة ؟
