انت مش عارف.. انا مين ؟
انا اللى عملوا لى قبر فخيم . وحطونى فيه . معزز مكرم . وكتبوا فوقيه : هنا يرقد المسكين . ضحية الارهابيين الوحشين . واللى لسه مش عارفنى حاقوله برده : انا ماكس الكلب .. اللى عذبوه ولاد الايه : الاربعة المجرمين . ولا .. زى ماعرفت من بعد موتى . من الدش . وبعد ماقامت الدنيا وما قعدتش . ان واحد منهم كان اخوانى خروف . مابيعرفش رحمة ولا خوف . والتانى بقى كان من العيال بتوع 25 . من اصحاب الاجندة والكنتاكى . والكارهين للون الكاكى . اما تالتهم فكان بلطجى .. والسلام ؟ والرابع : كان واحد كفران غلبان . طلع غلبه فيا . بعد ما انخدع فى اللى قال . وفى اللى اتقال ؟ وسلم دقنه لصاحبك . ودلوقتى هو. واللى زيه بيقولوا : ياريت اللى جرى.. ماكان.
لسه مش عارفنى ؟ انا الكلب ماكس . وماكس الكلب انا. ابن الاكابر والكبيرات. من بتوع 30 . اللى نزلوا بالملايين . فى الميدان . وادوا لصاحبنا تفويض . ومن يومها.. وهما بيتعاملوا. معاملة السادة الكرام . ولا.. فشر الامريكان ؟ والجربان منا . ولا اجدع خروف.. مهمان كان مايشين فى اول الصفوف
ومن ورانا اللى بيدنوا فى مالطة . وبينبحوا كمان ؟ لسه مش عاوز تصدق . ولا انت واحد من اياهم.. ولسه عايش فى الاوهام ؟
لو مش مصدق لسه . شوف اللى اتعمل ليا بعد موتى . واللى وقفوا يحلفوا بيا بالعشرات . وفى ايديهم اللافتات . الوان ؟
ولا.. اللى عملوا لى جنازة وحارة . فشر جنازة.. كلب الباشا زمان . وورايا خرج كل من هب ودب . وخرج كل صحابى كمان ؟
بس ياترى . يوم ما هيموت الباشا . هيخرج وراه : كام كلب .
ولا.. كام انسان؟
##