العمر اللي فات علمني كتير حاجات...
لا أحزن ع اللي عدي ولا أفرح ب اللي اَت
و اللي باقيلي منه شوية ذكريات
بتداعبني ساعات و تعذبني ساعات
و تعيشني شويه في حالة من السكات
العمر اللي فات سرق العمر مني...
و مرت الأوقات و اللي حقيقي بيألمني...
إنه فجأة فات من غير ما يبصرني...
ولا سابليش علامة إنه بيتخلي عني...
اَسف سابلي علامه لكن مفمهتهاش
الشيب دايماً ده قالي خد بالك و ما تنساش
العمر أتسرسب منك و أنت ما بتدراش
ياما كتير حذرني و أنا كنت ضاربها طناش
خلاص يا عمري مالوش لازمه العتاب
هي الحياة ايه غير باب من بعده باب
و خطى أتكتبت علينا تسأل ملهاش جواب
ده قدرنا و ما بأيدينا بيغيبنا الغياب
-------------------------
حجاج فراج
- حجاج فراج
