إبراهيم عبدالفتاح شاعر غنائي مصري .. حدث معه ما يدخل في باب الغرائب فقبل أكثر من يوم من وقوع الهزة الأرضية التي ضربت مصر وشعر بها سكان القاهرة وأفزعتهم وجد نفسه يكتب هذه القصيدة وينشرها على صفحته الشخصية بموقع التواصل الإجتماعي فيس بوك في التاسعة مساء 1 أغسطس قبل يوم وعدة ساعات من استيقاظ مصر كلها بسبب الهزة الأرضية التي وقعت في الثالثة فجر 3 أغسطس.. بعدها أبدى دهشته واستغرابه من أن يكون كتب ماتحقق فعلا على أرض الواقع:
"إيه اللي هز المكتبة والبراويز
والكبايات ع الرف
مين اللي جرح الصمت
في طفل بيقول:
عملاق غضبان
بيضرب الأرض بمطرقة
الأم بتقول:
مصارين الأرض بتتعارك
أو بتاكل نفسها
شبه اتنين عشاق في نهاية قصتهم
أما الأب فقال من غير تفكير:
مفيش وقت للكلام
خدوا الأوراق
والمفاتيح وانزلوا قبل الأيام ماتتكسر
خايف من الزلزال
يسكت دقيقة أو اتنين
كأن الحسابات الكبيرة اختلّت
كأننا بنعيش في لحظة مُتعلقة
في نتيجة ع الحيطة
شكل البشر برا البيوت أصغر
من غير مناصب، أو شياكة، أو يقين
بيجروا أقدامهم،
ويثبتوا عيونهم في شقوق الجدران
يتهامسوا كأنهم شهود على سر
جوة البيوت
مصابيح بتتمرجح
لأ دي الأفكار
والبيبان بترتجف وترتجل قصايد للنجاة
الخوف مش واحد
شوية منه صراخ
وشوية صمت
وشوية مايتقالوش غير في السرير
بعد مايفوت كل شيء
نسكت
نتفقد الصور
ونحسب كام ثانية بقيت بيننا وبين النهاية
وفجأة بتدب الحياة
تمشي في الشوارع
تغتاب اللي خافوا
وتبتسم بسخرية
وتهزنا هزة واحدة،
نرقص
كأننا مش مخلوقين من طين
والطفل الوحيد في المشهد
لسة في مكانه هناك
وفاكر أن اللي بيصنع الزلازل
مستخبي تحت السرير
عشان يضرب الأرض بقبضته
لما الخلايق تنام".
***
حاسة المبدع كثيرا ما تسبق الواقع بخطوات. وُلد ابراهيم عبدالفتاح عام 1959، وتميز في كتابة النصوص الشعرية بالعامية المصرية وبالعربية الفصحى، كما كتب كلمات أغنيات العديد من الأفلام والأعمال الدرامية المصرية إلى جانب كتابته للنصوص المسرحية، ومن أعماله: صورة جماعية للوحدة (شعر) سيما أونطة (شعر) شباك قديم (شعر) الجماجم الفاسدة (مسرحية) الحصى والدوائر (مسرحية) ماكيك بالكاف (مسرحية)
كما كتب الشاعر إبراهيم عبد الفتاح كلمات العديد من الأغنيات لعدد من المطربين المصريين، ومنها: لما الشتا يدق البيبان: غناها علي الحجار. لو بإيدي: غناها وجيه عزيز. بأفرد ضلوعي: غناها مدحت صالح. شباك قديم: غنتها حنان ماضي. أنا قبلك إيمان البحر درويش كما كتب كلمات أغنيات العديد من الأفلام والمسلسلات مثل: فيلم هي فوضى ، حين ميسرة، مسلسلات الدالي، أفراح إبليس، دمي ودموعي وابتسامتي، ناصر ، أهل القمة، كليوباترا ، و حلقت الطيور نحو الشرق.
القصيدة النبوءة بهزة ارضية وقعت فجر الثالث من أغسطس
