أنقذ مكتب حماية الطفل التابع للنيابة العامة المصرية مولودا عرضته أسرت للبيع بمبلغ 300 ألف جنيه في منشور على فيس بوك قبل ولادته بأربعة أيام .

وكشف رامي الجبالي مؤسس صفحه أطفال مفقوده تفاصيل الحادث في تدوينة على صفحته بالقول: " ٥ أيام مش بنام و شغل ليل و نهار و خلية نحل في أطفال مفقوده شغاله عشان ننقذ الطفل ده من البيع علي مواقع التواصل الاجتماعي. الحكايه ابتدت بمنشور علي فيسبوك فيه طفل في رحم أمه معروض للبيع اول ما يتولد بمقابل مادي ٣٠٠ ألف جنيه و اللي بتبيعه أمه شخصيا و التواصل من خلال زوجها و اختها ... و فاضل علي ميعاد الولاده ٤ أيام فقط ! بدأنا نتواصل معاها علي اننا المشتري و اتفقنا علي تفاصيل الاستلام و التسلم و المستشفي اللي هتولد فيها و توقيت الولاده ... كل ده بالتنسيق مع كل الجهات المختصة في سرية تامه. الرعب كان من انهم يبيعوا الطفل لحد تاني هيدفع اكثر بدون ما يقولوا و فجأه يختفوا .. و الكل حاطط ايده علي قلبه و مش بينام. و امبارح و بفضل الله قدرنا ننقذ الطفل من البيع و ناخده من المستشفي بالليل بعد الولاده بساعات قليله بالتنسيق مع مكتب حماية الطفل في مكتب السيد النائب العام و بتنسيق مع المجلس القومي للطفولة اللي اتحركوا فورا مع أول تليفون بنطلب تدخلهم. البلد كلها لازم تفتخر بآداء مكتب حماية الطفل Egyptian Public Prosecution النيابة العامة المصرية اللي في أقل من ساعه و نص كانوا استخرجوا اذن النيابه و عملوا التنسيق مع الداخليه و قبضوا علي المجرمين في المستشفي و حاليا الطفل في أمان."