أمر السيد المستشار النائب العام بتكليف المكتب الفني بمكتبه بدراسة أوجه الطعن على الحكم الصادر ببراءة المتهمين في الواقعة المعروفة بواقعة "سيدة الكرم"، وذلك فور إيداع محكمة الجنايات التي أصدرت الحكم أسبابه.

وأدى صدور حكم محكمة جنايات المنيا ببراءة المتهمين بتعرية وهتك عرض السيدة سعاد ثابت 70 عاما، إلى حالة من الاستنكار العام والاندهاش، وتلقت السيدة سعاد الخبر بحالة بكاء هيستيرية، وهى تصرخ وتقول "حقى عند ربنا".

وتساءلت السيدة كيف صدر حكم بالبراءة وأضافت: "عرونى فى الشارع وفضلت عريانه اكتر من ربع ساعة لحد ما جارتى غطتنى بهدومها، وبهدلونى قدام الناس وحرقوا بيتى وسجنوا ابني، وسبت البلد ومشيت وفى الآخر بعد كل ده ياخدوا براءة !!" السيدة المسنة كانت فى صدمة وهي تردد: "ليه يارب ده أنت شايف وعارف اللى حصلى وانا شهدت بالحق، ولادى هاجروا بره بعد اللى حصل وأنا وحدى رفضت كل الضغوط انى اتنازل، وقلت لهم عمرى ما هتنازل عن شرفى وعرضى وحق ابنى اللى اتسجن ظلم ، فضلت فى عذاب رايحه جايه على المحكمة اقولهم الحقيقة وكل القرية شافت اللى حصل فى ونهب وحرق بيتى وفى الاخر يأخذوا براءة، مليش غيرك يارب ربنا عادل هو اللى شايف".