جورنالجي يابيه.. بكتب جرانين
واعمل م الفار .. وحش وتنين
واعمل من دول وانا م التانين
واصلي الجمعة .. يوم الاتنين
ع الخلق بغني وقلبي حزين
..............
جورنالجي كاتوبجي بقول الحق
واصرخ في الظالم مليون لأ
وساعات بفرح لو فرحوا الناس
وساعات لو فرحو اتغاظ واطق
وانشر روايات من غير عناوين
.............
جورنالجي يابيه وساعات طبال
وبطبل حتي بنص ريال
وساعات بستأسد ع الاندال
وساعات استندل علي "رجال"
وكتير بكتب للناس "بلاغين"
..............
جورنالجي ..ضمير ..صاحي مفنجل
في الخير والشر بيتحنجل
وساعات يكتب بس يأجل
ويكع بيريل ... ويسترجل
وياروح اغسل في المواعين
وياليلي ياليلي ياليلي ياعين
