علقت الفنانة شذى مؤخرًا على نبأ مرض المطرب هيثم شاكر، وتحدثت عن تفاصيل معاناته، وذلك عبر حسابها بموقع "إنستجرام".
ونشرت شذى صورة تجمعها بهيثم وعلقت قائلة: "من امبارح بيجيلي تليفونات اللي زعلانين مني علشان أنا من أصحابه القريبين وكنت عارفه ومقولتش على مرضه واللي أصلا بيشكك أنه كان تعبان عموما علشان مش هينفع أرد على كل المكالمات. فهو كان فعلا تعبان بمرض خطير ربنا يبعد كل شر عن أي حد يا رب".
وتابعت: "الحمد لله هو تعافى بس لسه في حاجات كتير محروم منها وأهمها حاجة أساسية لأي كائن حي وهي نعمة الأكل. هيثم لحد دلوقتي وهيفضل كده ميقدرش يأكل بشكل طبيعي، وده سبب اختفائه كل الفتره دي".
واستكملت: "أنا كتبت كده علشان محدش يلومني ليه مكنتش بقول وعموما برضو هيثم هو اللي مكنش حابب حد يعرف حاجة عن كل معاناته".
واختتمت: "لما هيثم قرر يعرف جمهوره وأصحابه عرفهم وهو منور وفرحان بنجاح ألبومه. مبروووك يا هيثوم وحمدلله على سلامتك وافرح بتعبك في ألبومك وبالناس اللي بتحبك معرفة قديمة".
