يا بابا ممكن لو سمحت
وأنت رايح القاهرة
هاتلي ولصاحبي اللي تحت
شوية حلاوة فاخرة
وهات معاك كمان قميص
عشان أروح المدرسة
وبكرة يا بابا الخميس
ما تنساش كتاب الفلسفة
وماما عاوزة كمان حاجات
طلبتهم الشهر اللي فات
أرجوك يا بابا ما تنساهمش
هتلاقيهم في الوكالة
وأن كان يا بابا ما عندهمش
حنعذرك في تلك الحالة
أنت يا بابا عندنا
أغلي حاجة في الحياه
كفاية وجودك وسطنا
ده يا بابا كل مانتمناه
أوعي تركب ميكروباص
وأرجوك يا بابا سافر بالقطر
في سواقين عديمي الأحساس
ما تخليناش يقتلنا الفكر
سمع أبويا كل الكلام
وزي ما قلت سافر بالقطر
لكن ده كان آخر سلام
وأبويا رجع لكن ع القبر
____________________
حجاج فراج
