«أنا بتكلم إنجليزى وفرنساوى كويس أوى.. وحافظ القرآن الكريم، ومعايا 3 مؤهلات علياوبشتغل خياط من سنة 1940»، هكذا تحدث عم إبراهيم عن ذكرياته. وقال عم إبراهيم لكاميرا “فيديو7″ قناة اليوم السابع المصورة: “أنا مشهور هنا فى المنطقة باسم الشيخ إبراهيم الخياط، واسمى الحقيقى أبو اليزيد عبد الحليم، وقرأت قرآن مع مشايخ كبار مثل الشيخ مصطفى إسماعيل والبنا ومحمود صديق المنشاوى بليالى رمضان ولما أتخرجت من ثانوي جالى تعيين فى الهيئة العامة للتأمينات الاجتماعية وكان المرتب 12 جنيه فى الشهر وكان وقتها فى إيدى صنعة بكسب منها كويس ومتعلمها من وأنا صغير عشان أقدر أصرف على نفسى، بعدما والدى أتوفى تركت الوظيفة وأشتغلت خياط وكملت دراسة عشان بس أتعلم مش عشان وظائف”. وأضاف: “عندى أولادى متعلمين لكن محدش فيهم فكر يتعلم صنعة جانب شهادته بس لو حد فيهم طلب إنه يكون زيى أنا هوافق لأن الصنعة بتكسب فى وقت ما يكونش فيه وظيفة”. واختتم عم إبراهيم البالغ من العمر 85 عامًا، حديثه لكاميرا”فيديو7 قناة اليوم السابع المصورة: “أخر أمنياتى إنى أحج قبل ما أموت وأرجع أقرأ قرأن فى الجامع زى زمان”.   شاهد أيضا .. بالفيديو.. طالبة للعقيد «نشوى محمود»: «هدخل كلية الشرطة وهحمى البنات من التحرش» بالفيديو.. شاهد أسهل طرق علاج النحافة عند المصابين بـ«الانيميا» بالفيديو.. أقدم بائع ورد بشارع [...]