ولسه شبابك يا بلدنا.. بيروى ترابك دمهم.. إيه اللى صابك يا بلدنا.. ورافضة ليه حضنهم؟!.. ده اللى صابك هو اللى صابنا.. هو انت لينا ولاّ ليهم؟.. ولاّ مش عاملة حسابنا.. تعلى هاماتنا قدهم؟!.. مش ده طريقك إنما.. سحابة ماشية للغروب.. شوهت صورتنا فى السما.. وبروحنا صححنا العيوب!!.. ومهما خفافيش الظلام.. خدعوكى بحلو الكلام.. مش ح ننخدع تانى.. دا احنا انكوينا بمكرهم!!.. ومهما رصاص الغدر.. أثناء صلاة الفجر.. اخترق بخسة صدرهم.. عمره ما يقتل حلمهم!!.. الحلم اللى ابتدا فى 25.. وغزلت خيوطه إيدين ملايين.. يغطى شرفنا بعفة ودين.. لما اتسحلنا بغدرهم!! وليه ترابك يا أعظم أم.. ما بيشربش غير أطهر دم؟.. والبلطجية قدامنا أهم.. بيدفعوكى تمن جهلهم!!..
هذا المحتوى من «المصري اليوم».. اضغط هنا لقراءة الموضوع الأصلي والتعليق عليه
