“منه لله ظلمنى بعد 25 سنة زواج، وضيّع حقى وذلنى، ودخل عليا ببنت من الشارع وعاشرها معاشرة الأزواج، وخلاها تاخد كل حاجة حتى أوضتى وملابس نومى، وأنا نمت على الأرض، ولما قولت لا ضربنى وقالى “أمشى الباب يفوت جمل”.. هذه كلمات قالتها “زينب.م” من أمام محكمة الأسرة بروض الفرج أثناء نظر دعوى الخلع التى أقامتها ضد زوجها. وتابعت “زينب”: “أنا ست بسيطة عشت طول عمرى تحت رجلين زوجى لم أقصر فى حقه مطلقًا صبرت على الفقر والحاجة كنا كتير بنام من غير عشاء وفى الأخر أول ما ربنا عطاه رمانى فى الشارع أنا وولاده ونسى كل اللى عملته”. وأكملت “زينب”: “فى يوم دخل وفى أيده بنت من الشارع قولته إزاى هتعيش معانا وأهلها فين رد عليا وقال: ملهاش حد وبعدها بدأ يعاشرها كزوجة دون زواج ولما دخلت عليهم وشوفتهم وهى نايمة معاه بملابس نومى صرخت واعترضت فضربنى وقالى لو مش عجابك الباب يفوت جمل”. وأضافت “زينب”: من أول ما ظهرت “رشا” فى حياتنا وكل يوم فى مشاكل وضرب وصل الأمر أنه يعتدى عليا ويفتح حجابى وبعدها قال أنه أتجوزها عرفى رغم أنه مفيش عقد يثبت كلامه. واستكملت: “أنا معايا بنت وولدين ومليش حد ودلوقتى بقيت فى الشارع منه لله ولما طلبت الطلاق رفض فاضطررت إن ألجأ للخلع وأتنازل عن كل [...]