رد حازم إمام نجم الزمالك السابق وعضو اتحاد الكرة الحالي، على تصريحات مرتضى منصور رئيس القلعة البيضاء، ضده، وأنه كان السبب في رفض قيد صفقات الأبيض الجديدة خلال الميركاتو الشتوي. 

وكتب حازم إمام عبر صفحته الرسمية على موقع “فيسبوك”: “طبعا كل اللي اتقال ده اي كلام وكذب كالعادة والله العظيم ولا حد كلمني”.

وتابع إمام: “نفسي أعرف إيه كمية الغل والافتراء اللي عندك، هتموت تكره الناس فيا.. بتتبلى على الواحد وحاشر اسمي في أي حاجة نفسي مرة تقول إنك غلطت مش لازم تشيل الناس غلطاتك، حسبي الله ونعم الوكيل”.

وكان قد أعلن اتحاد الكرة فى الساعات الأولي من صباح اليوم الأربعاء غلق باب القيد رسميًا بموسم الانتقالات الشتوية في الكرة المصرية، والذي بدأ من يوم 1 يناير حتى 31 من نفس الشهر، وشهد قيد صفقات جميع الأندية بعد قيامها بجدولة مستحقاتها، باستثناء نادي الزمالك.

وأكد الاتحاد أنه تواصل مع مسؤولي نادي الزمالك، لإبلاغهم بضرورة تسوية المستحقات المتأخرة لدى الاتحاد، قبل غلق باب القيد بشكل رسمي، لكن لم يتواصل النادي لقيد أي لاعب.