كشف محمد عادل، المتهم بقتل طالبة جامعة المنصورة نيرة أشرف، كواليس ارتكابه الجريمة، خلال محاكمته بمحكمة المنصورة، فيما أمر رئيس المحكمة بإخراجه خارج قفص الاتهام وإحضار كرسي والاستماع لأقواله.
وقال المتهم: كل حاجة هي محتاجاها وبتطلبها كنت بعملهالها وكانت بتشتكي لي من أهلها وكنت مسؤول عنها، وكانت بتقول إن أهلها عارفين إني معاها وكل ده متسجل بينا ومرات كتير كانت بتقولي تعالي حوش أهلي، كنت بعملها كل حاجة بشهادة أهلها.
وأضاف: لما ارتبطنا حصل بينا خناقة، كانت هي بتحكي لي وبتقولي إنها عايزة تشتغل وعندها طموح وأنا وهي كنا بنحب بعض، وماكانش فارق معايا هتشتغل ايه، وبعد كده اتضح إنها بتكدب عليا ولا أي حاجه وعدتني بيها حصلت وأهلها ماكانوش عارفين بتشتغل ايه.
وأستكمل: بعد الارتباط بنيرة، اكتشفت أنها كانت بتعتبرني مجرد مرحلة في حياتها عشان توصل لكل حاجة، وكنت بقابلها كتير وكانت بتقولي:«يلا بينا نشتري حاجات».
وأختتم: وبعدين طلبت منها تنتهي من العمل كموديل إعلانات، وبعد فترة بدأ أهلها يهددوني وانا اتصدمت، ولما حصل كدا فضلت مصدوم وقولت أحاول اديها فرصة فعملت إيميل عشان كانت عمالة تشتمني في كل حتة ودخلت من إيميل وهمي عشان أرد على اللي هي عملته والكلام ده كان في سنة تانية كلية.
