اعتذر مرتضى منصور رئيس نادى الزمالك، لنادى الوداد المغربى عما بدر من الثنائى مدحت عبد الهادى وأمير عزمى مجاهد بالاعتداء على حامل الكرات، قائلا:" الاتنين بره النادى مش ممكن الناس تقابلنا أحسن مقابلة وإحنا نعمل معاهم كدا".

كما أضاف مرتضي منصور في تصريحات تلفزيونية، " كارتيرون مش عايز يتقى ربنا، فى لاعيبه مش كويسين خالص ومع ذلك يصر عليهم وهو متعمد يخسر ، موضحا أن حساب لاعبى الزمالك سيكون بعد العودة من المغرب.

 وأضاف: " فى ناس التى شيرت تقيل عليهم وفى ناس متخاذلة الحساب بعد العودة".

وواصل: "استلمنا النادى من 3 أيام فقط، ومحتاجين وقت نرتب البيت لأن النادى مديون بـ198 مليون جنيه للضرائب، و60 مليون جنيه للتأمينات، و6 مليون لاستاد القاهرة ومثلهم لمصلحة الكهرباء".

واختتم: " كارتيرون اتفق مع نادى سعودى ومش مركز مع الزمالك وعايز فلوس وبيفكر مع وكيله فى الفلوس فقط".