أعلن الإعلامي رامي رضوان اليوم الخميس إصابته بفيروس "كورونا".
وكان رامي قد نفى قبل أسبوعين إصابته بالفيروس، وكتب على صفحته قائلا: "جالي شوية برد خفيف، رشح وهيتلم بإذن الله على طول، المشكلة أنه شبهني، كل ما أقابل حد يرفع حاجبه ويلبس وشه ٢٠ علامة استفهام وتعجب، يا يأخد بعضه ويديها ٥-١٠ خطوات للخلف در، رغم أني محافظ على التباعد ومش بنزل الكمامة، والله برد عادي يا اخوانا، من بتاع زمان ده، اللي كنتوا بتقولوا لصاحبه (يا عم ولا يهمك ده شوية برد) وتقوموا واخدينه بالأحضان والبوس، بس مش هلومهم، بصراحة أنا لو مكانهم هعمل كده وأكتر، أجري_يامجدي، يهدها الكورونا اللي جننتا (إضافة لأن البوست شبهني أكتر عملت مسحة وسلبي والنيعمة).
أما اليوم فكتب يقول" الحمد لله على كل حال الحمد لله حمدا كثيرا تأكدت إصابتي بكورونا وكلها كام يوم ويبقى عندي أجسام مضادة وأمررررررع في الأرض بإذن الله، انا باكتب عشان لو اي حد قابلني الكام يوم اللي فاتوا ياخد باله (لا داعي للقلق. لو ظهر اي اعراض ساعتها اجراء الفحص هيكون ضروري) أنا ملتزم بالتباعد والكمامة..انما لجل الحق مش بنفس قدر الإلتزام والحسوكة وقت الموجة الأولى. وماعنديش أي فكرة جالي من مين وازاي ابن اللئيمه ده. بقول الكلام ده عشان كلكم تاخدوا بالكم. كله يلتزم أكتر من الأول..الأعداد بتزيد (الرسمي وغير الرسمي) والتحذير من شهري ديسمبر ويناير مش من فراغ. خلوا بالكم من نفسكم وممن حولكم ربنا يسلمكم جميعا من أي شر".
