وصف أمير الشعراء أحمد شوقى ما يكتبه من أزجال بقوله: (هذا زجل فوق مستوى العبقرية) وقال عنه عميد الأدب العربى طه حسين: (أخشى على الفصحى من عاميته)، إنه محمود بيرم التونسى الأب الروحى لكل شعراء العامية المصرية وصاحب المركز الثانى- بعد احمد رامي - فى عدد الاغنيات التى شدت بها أم كلثوم من أشعاره.
لم تخل العلاقة بين أم كلثوم ومحمود بيرم التونسى من المد والجزر، والخصام والوئام، والقرب والبعد تطبيقا لمقولة بيرم التى غنتها ثومة (واهه من ده وده/ الحب كده)
أبدع بيرم عندما كتب لأم كلثوم، وأبدعت ثومة عندما شدت بكلماته، خاصة مع ألحان العملاقين زكريا أحمد ورياض السنباطى.. وكان من الطبيعى أن يحتل القلب مكانة رفيعة ومتقدمة فى أغنيات ثومة وبيرم، والتى سنحاول أن نقتطف بعضا منها.
كانت أغنية (كل الأحبة) من أوائل أغنيات بيرم التى شدت بها ثومة ويقول مطلعها:
كل الأحبة اتنين اتنين
وانت يا قلبى حبيبك فين
ولعل (الآهات) من أشهر وأبدع أغنيات بيرم لثومة والتى يقول مطلعها:
آه من لقاك فى أول يوم
ونظرتك لى بعنيك
خاصم عيونى ليلتها النوم
وبت أسأل روحى عليك
ياهل ترى راح يعطف
على فؤاد متلهف
تقولى روحى آه
وارجع وأسأل عقلي
هوه الزمان حيروق لى
آه.. آه.. آه
واقول لقلبى يا قلبي
حبه يعادل حبى
يقوللى قلبى.. آه
وأغنية (الأمل) التى يقول بيرم فى مطلعها:
الأمل لولاه عليا
كنت فى حبك ضحية
بالأمل أسهر ليالي
فى الخيال وابنى علالى
إلى أن يقول:
وأنا لو يدوب قلبى
ما اتوب عن دى الهوى
ومن الاغنيات غير المشهورة التى غنتها ثومة لبيرم أغنية (أنا ليه اتجاسر) التى يقول فى مطلعها:
أنا ليه اتجاسر وأعاتبك
إن ماكنتش من قلبى بحبك
انت عارف أول حد يقولك
إلا قلبك واهو دا اللى يدلك
ولعل (أهل الهوى) من اجمل واعمق ما كتب بيرم لثومة ويقول مطلعها:
أهل الهوى ياليل فاتوا مضاجعهم
واتجمعوا يا ليل صحبة وانا معهم
يطولوك يا ليل
ويقصروك يا ليل
يطولوك يا ليل من اللى بيهم
وانت يا ليل بس اللى عالم بيهم
فيهم كسير القلب والمتألم
واللى كتم شكواه ولم يتكلم
ولا تقل أغنيته (الأولة فى الغرام) ابداعا وروعة ويقول مطلعها:
الأولة فى الغرام والحب شبكوني
بنظرة عين
والثانية بالامتثال والصبر أمروني
واجيبه منين
والتالتة من غير ميعاد
راحوا وفاتونى قولوا لى فين؟
إلى أن يقول بيرم:
حطيت على القلب إيدى
وانا بودع حبيبى
واقول ياعين اسعفيني
وابكي وبالدمع جودي
ومن أغنيات بيرم الطريفة التى غنتها ثومة أغنية (إيه أسمى الحب)، والتى يقول فيها:
إيه أسمِّى الحب أنا ما عرفش
دا باينه شئ ما يتوصفش
ناس يقولوا الحب دا يحنن
كل قاسى القلب ويطمن
ونتوقف أمام (حلم)، تلك الأغنية العبقرية التى يقول بيرم فى مطلعها:
حبيب قلبى وافانى فى ميعاده
ونوِّلْ بعد ما طوِّل بُعاده
حبيب قلبي
قابلنى وهوه متبسم
وطمِّنِّى على وصله
وقاللى بعد ما سلم
كلام القلب يرقص له
بقى يقولِّى وانا اقولُّه
وخلصنا الكلام كله
يقولِّى قلبى بيودِّك
أقولُّه قلبى أنا اكثر
يقولِّى قد ايه حبك
أقولُّه فوق ما تتصور
وفى رائعته (حبيبى يسعد أوقاته) يقول بيرم:
حبيبى يسعد أوقاته
ع الجمال سلطان
.........
جعلت فى القلب مكانه
بس لو يكفيه
فى القلب ياما حيلاقي
كل ما يرضيه
وفى (شمس الأصيل) التى أبدع بيرم فيها وصف النيل والمحبين على ضفافه يقول:
يا نيل أنا واللِّى احبه
نشبهك فى صفاك
لانت ورقِّت قلوبنا
لما رق هواك
......
والناي على الشط غنى
والقلوب بتميل
ويستهل بيرم رائعته (دعانى لبِّيته) بقوله:
القلب يعشق كل جميل
وياما شفتي جمال يا عين
واللى صدق فى الحب قليل
وإن دام يدوم يوم ولا يومين
واللى هويته اليوم
دايم وصاله دوم
واحد ما فيش غيره
ملا الوجود نوره
دعانى لبِّيته
لحد باب بيته
وأمَّا تجلالي
بالدمع ناجيته
ولعله كتب هذه الكلمات خصيصا لثومة:
نورك يا ست الكل نوَّر حينا
وسعدك اللى بان شرف قدرنا
فى البعد كان القلب دايما عندكم
وفى كل طلعة شمس اسأل عنكم
ونصل إلى رائعة ثومة وبيرم (الهوى غلاب) التى يقول فى مطلعها:
هو صحيح الهوى غلَّاب؟
معرفش أنا
والهجر قالوا مرار وعذاب
واليوم بسنة
جانى الهوى من غير مواعيد
وكل مدى حلاوته تزيد
ما حسبش يوم ح ياخدنى بعيد
يمنى قلبى بالأفراح
وارجع وقلبى كله جراح
والى ان يقول بيرم:
يا قلبى اه الحب وراه
أشجان وألم
واندم وأتوب وعلى المكتوب
ما يفدش ندم
ومن أجمل الأغنيات التى نستقبل بها أيامنا (يا صباح الخير)التى يقول فيها بيرم:
يا صباح الخير ياللى معانا
الكروان غنى وصحانا
والشمس اهى طالعة وضحاها
والطير اهه سارحة فى سماها
ياللا معاها
يا هناه اللى يفوق من نومه
قاصد ربه وناسى همومه
يفرح قلبه ويسعد يومه
فرحة طول عمره ما ينساها
ولا يسلاها
واجاد بيرم فى وصف أحوال القلب فى أغنية (ياقلبى ياما) التى شدت بها ثومة وتقول:
يا قلبى ياما تميل بنظرة وابتسامة
وياما تعشق وياما تكره وياما ياما
تبدى العواطف يوم وبكرة تبدى الملامة
وانت ياقلبى مالكشى قدرة ياللا السلامة
حاسب يا قلبى
ماانساش يا قلبي فى فجر حبي وفى عز فرحي
ياما نصحتك كتير يا قلبى
ما قبلت نصحى
تلك بعض إبداعات محمود بيرم التونسى التى خاف طه حسين على اللغة الفصحى من عاميته الجميلة المحلقة والتى تلقفتها أم كلثوم فزادتها جمالا فوق جمالها.
فى الحلقة القادمة من(القلب فى الأغنية المصرية) نتجول فى إبداعات شعراء أسعدهم زمانهم بغناء أم كلثوم وألحان العمالقة.
------------------------
بقلم: عبدالغنى عجاج
